This na wetin happen to the ex or still 'Mr Golden boy' of England, after im failure to perform and missing two critical penalties at the Euro 2004 championship.

Fans and the Press come dey accuse and crucify him. Dem talk say he no fit and that na im cause the early exit of England from the championship.

The worst of all na the graffiti word 'YOU LOOSERS' wey some vagabond go put on im portrait in an exhibition of the 'world's greatest living footballers'. Haba this one na wa!

After all the accusing fingers, Beckham come dey counter-attack with one million and one excuses for im failure. 'Golden boy' talk say na bad pitch and lack of training for him Real Madrid club ….hmm. Abeg David, no give us that bread! We know the reason why you no fit, abi you think we don forget Rebecca Loos? May be you for talk say na 'too much of that thing' cause your drastic drop in form. You too know say before your move to Madrid you play like wonder boy. But after mingling and partying with the samba boys, wahala come start.

Beckham make you no worry about the graffiti, the no-good-for-nothing vagabond just dey try to add 'Loos' to your famous tattoo collections. As im no fit reach you, that na why he put am for your portrait.

Anyway, the crew for Gisters don secure some of David's pictures before any mass defacing of him entire portraits.

Sir Becks that's life for you. Count your losses, stay strong and move on!