Gist & Gossip

BOARDING PASS FOR SALE - NAIJA AND LONG THROAT

Naija people go do anything for money even if the thing go take dem life. As una know say if conflict or war dey anywhere na so different gofment go dey arrange to evacuate dem citizens from the conflict area either by directing them or by providing aircraft wey go take dem to safety. Na the same thing OBJ gofment do for our brodas and sistas wey dey for Liberia when dem charter a Boeing 747 and come give dem boarding passes to bring dem home. Alas when the plane land for Lagos na foreigners full am.
Na later confused gofment officials know say na "long throat" make dem end up in Lagos with a plane full of foreigners instead of Nigerians. The story be say dem sell their boarding passes thereby jeopardising their safety for money. Na we go dey complain say our gofment no take care of dem citizens wey dey abroad, wetin we wan make OBJ do again o?
Now these same greedy people wey still dey Liberia now want Baba Iyabo make he send anoda aircraft to Monrovia so as to comot them from there. When the gofment refuse, come see as dem storm the embassy and hold the innocent workers hostage as if say na "Die Hard" dem dey do. The Nigerian gofment don agree to send anoda rescue plane now and dem don warn dem say that will be the last one. So therefore, make he who get ears listen well well o, make long throat no come kill una for place wey no be una papa land. Shikena!!!

	BEWARE!!! SLEEPING GIANT OF AFRICA WAN WAKE UP
	THE GREAT OLD PALS REUNION IN LAGOS
	MOBILE PHONE HANDS FREE KITS - THE NIGERIAN STYLEE
	BOARDING PASS FOR SALE - NAIJA AND LONG THROAT
	COUP DE'TAT IN ANAMBRA STATE
	WANTED! TRUE NAIJA BEAUTIES WHERE HATH THOU?
	AD GOVERNORS - THE MOMENT OF TRUTH
	KWAM1 AND BALLOT BOXES?
	OMISORE - FROM DETENTION TO THE SENATE
	NEPA STRUCK AT MINISTER'S HILL ABUJA
	COMICAL ALI - Comedian of the Year
	Archives...

---