SUPER EAGLES.....GOING! GOING!!.......?

My people we hope una see wetin happen to our "Dearest" Super Eagles for Mali? Those Senegalese players no even get any respect for "senior players" or how will you describe what those "small boys" did to our so called "super stars".

Una need to see how our "old papa youngies" dey fight both tooth and nail to match the young and agile Senegalese for pace.
 

Look at Brother Ike, una no think say the keeper needs to do eye test? Or how
he wan convince us that he no get sight problem, when you look at the first goal and also the second goal? Wetin he lost for ground wey he dey look for, when the ball don enter net? May be he still dey see double after his clash with Okoronkwo against Ghana. We only hope say he will not turn out to be another Peter Rufai '98 for World Cup 2002.
Sorry Pastor Taribo, that boy Diouf El Hadji no even respect your wealth of experience as he just dey play with you up and down, well God dey.
I hope say Okocha, Kanu and Finidi don learn now say youthfulness too get im own part to play for football.

Big shame on una, na 10 men Senegal una no fit beat, if they come complete nko? Only God knows wetin go happen, may be dey fit spell 'Nigeria' (8-1) for the Score Board.

Anyway Our Dearest Fellow country men, don't worry World Cup still dey, make we keep fingers across and pray to God.