In a kontry wey fuel scarcity na common thing who go enter helicopter make fuel come finish on top 'magidun river', also, wetin we go do with all the NEPA wires wey crisscrossed the whole of Lagos. After some time now na 'tokunbo' helicopters and 'tokunbo helicopter spare parts' go full Cotonou port, Tin Can Island and Ladipo spare parts market so tey we go get Aba and Onitsha made spare parts for the helicopters at 'affordable' price, na then we go dey see many of them end up crash landing or colliding with a molue (God forbid bad thing) and again very soon if dem implement the idea successfully we go dey get 'go slow' for sky too and we may need to introduce the 'Congestion Charge or LASMA' so that dem go fit tow away any helicopter wey take one way or dey cause obstruction.
Abeg make somebody tell these people before they start wasting our money say even for developed kontries like the US and UK dem no dey use helicopter for public transport o, na special use like transporting the sick and the wounded from a remote area to hospital or for the police to tail VIP criminals from the air while dem colleagues dey pursue dem on the ground. Shikena!!!