Gist & Gossip
|
ABIA STATE GOVERNOR FINISH FIRST DEGREE |
| Na everybody's ambition to go university one day, especially now wey be say degree na degree no matter how long. No matter under which circumstances e take person to get am, wetin important be say make person get mouth to talk when "University Graduates" dey talk. Dr Orji Uzor Kalu (who give person wey no get first degree doctorate sef?) wey abandon education for "greener pasture" abroad years back even siddon for the final examination in the University's hall with other students after which he talk say "I decided to go back to school, because I was challenged by negative press reports. Some of the arm-chair journalist said I was expelled from the University of Maiduguri". |  |
|
|
Good talk, but e be like say "De Guvnor" don forget an adage wey talk say, "make hay while the sun shines". Abi who go respect this certificate wey he say he get now when we all know how even "proper student" dey take style get certificate for our university nowadays. Abi which lecturer go dey bold enough to fail the person wey dey pay him salary? Dem never born that kind lecturer. We even hear say the Governor sat alone in the examination hall with security men just a few meters from him. Wetin we no come know be say maybe na to prevent "His Excellency" from doing "giraffe method" on other students or vice versa. |
||
|
We also gather say the man don dey think about going back for Masters
degree sef with the intention of contesting for the post of Student
Union President. We hope say "Mama Uzor" don warn am
against joining bad gangs in school. |
||
|
Abeg
make people tell this "Mr Humility" say no be all of us
be "mumu" at all. If he wan score cheap political points, may
he find other means, no be to make noise with first degree wey
even sixteen year old dey get nowadays. Na Phd your mate dey
do now no be that one wey you talk say you get. No wonder
lecturers no strike for the school at all (who
go balme them, abi una don get work for them for Oil Company?) |
||
No reproduction permitted in any form.