Kanu+Cash=Van Bommel

As the late Aaliyah sing say, "age is nothing but a number", this logic no work for our broda o as that thing (AGE) don catch up with our broda. We don dey see the sign towards last season when Arsene Wenger only bring on our "golden boy" when his mate don secure the match with two minutes to go so that the potential "Igwe" from Owerri go dey hold the ball to run down the clock. At least he contribute him own quota to bringing the doubles to Highbury last season. Even sef for World Cup, bros no help matter at all as he just dey hold belle for field, na only God know if na true dem talk say na bruises he get for ribs because we think say na diahorrea our broda get after too much "ofiewere, ofiesale and ugwu". No wonder uncle asked the coach make he remove am so that he go fit go "pooh pooh"

We no dey surprise say dem put Kanoooooh for transfer list at the end of last season but the thing wey dey pain "fellow Nigerians" now na the way wey Arsenal wan ridicule our brother by offering Kanu plus money for another player from PSV and the PSV chairman rejecting the offer saying wetin he wan do with a "whole" Kanu wey be Olympic gold medallist when he get better players. Imagine the insult upon injury! Abeg, "Papillo" make you no worry our prayers dey with you say make any club no buy you at least you go dey play your "normal two minutes" and still dey collect your "pension and giro".

Bros we no blame you o, Kanu Heart Foundation needs funding jare.