Gist & Gossip
|
THE NEW IMPROVED KANU "JOGO BONITO". |
|
There is a saying wey go like this "the
stone wey builders rejected don become cornerstone of the house".
Na the above expression fit describe wetin dey happen to our one
and only Kanu Nwankwo wey dey play for Arsenal for London. |
|
|
| But
the thing wey we no understand na how person wey dem wan sell come
dey score goals "yanfu yanfu" like this? Well we are happy to "informate" una say Kanu na real traditional man wey no forget him root. Una know say after the World Cup Kanu went to Naija for holiday and talk am for newspaper in Naija say Arsenal are not planning to sell him when for here dem dey look for buyer for am. Where this guy get this kind confidence? Well according to "intelligence report" reaching us, while Kanu was in Naija, na village he go siddon where elders and "Igwes" "cook" am well well with "Afro Insurance" no wonder the "jogo bonito" don come back and the guy no fit stop scoring. Another thing be say now for Highbury where Arsenal dey play, some "Igbo" brothers don get stand wey dem call "Kanu Shrine". Anytime Arsenal dey play and oyibo fans dey shout Kanooooooooh!! na "Nzobu! Zobu!! Enyimba! Enyi!!" una go dey hear from "Kanu Shrine". Abeg Kanu make you please helep another brother in need at least dem say blood thick pass water. No forget your paddy "Jay Jay" wey dey wander about for Bolton Wanderers. Him too need "Afro Insurance" even plus including Uncle Finidi for Ipswich. At least na you say make dem come play for the Premiership. We go dey glad if you fit introduce dem to the "Baba" wey helep you do ya own, all na for national interest. More elbow to your grease abi na the other way round? And we pray say make the effect of that "Afro Insurance" no wear off soon. Even if e do na to go back village for re-insurance. 
|
||
No reproduction permitted in any form.