"NO RESPECT"- KIRIKIRI PRISON ROBBED

Dog wey go visit lion for house and return safely deserves to be congratulated. This one no funny at all, as armed robbers now fit go Kirikiri maximum 'security' prison and carry out dem 'campaign'. You can imagine, this one no be 'Operation Rescue', but 'Operation Sweep'. For this to happen, then we no think say anybody dey safe again for Nigeria. Abi prison no be a 'secure' place wey dem dey lock criminals again? Na wa o.

Well, we no blame dem, na the OC (officer-in-charge) we blame, when dem suppose to dey guard the prison entrance, na dream oga dey dream for sleep courtesy of 'awoof' ogogoro, palmy "33", akpeteshi with several plates of assorted pepper soup so tay dem "oga the owner" come carry rifle and even shot one of the officers. May be that one dey talk for sleep.

Infact the OC no gree wake up even as daybreak despite the fact that a warder try wake am up. Na after dem pour water for the OC head he manage to hear wetin people dey talk.

We dey beg Oga IG, please no be only check point need attention, infact na every department of the force need surgical operation because na this kind 'negligence of duty', 'I don't care attitude' and 'gross indiscipline' make us lose our Minister of Justice.