GISTERS CHILL OUT WITH KSA

The king of juju music King Sunny Ade come London recently to jollyficate with his fans and show dem say he still dey kampe.
We know say una don see the foto of the show wey KSA do on Gisters, but a day after the concert G-Crew was invited to chill out with the Cool Samba exponent at his Central London Hotel. Infact KSA na one kind man wey age no catch up with at all just like his music.

Throughout the two hours wey we spend with this fantastic man there was never a dull moment. We gist from his music to his personal life, piracy in music industry and politics. The man show say he dey sound on all the topics.
KSA talk say e go be 36 years in December since he start to play music ( dem never born me sef) with 111 (one onety one) albums to his credit, the first one being "Alanu l'Oluwa" and the last, na "Cool Samba".

When we asked the king the level wey he think he don take juju music to, he tell us say na him fans fit know the level but as for him, he never reach the level wey he wan put juju music. It was a very enjoyable and fun-filled evening with lots of jokes from both sides.