Gist & Gossip
|
MOBILE PHONE HANDS FREE KITS - THE NIGERIAN STYLEE |
| Naija
people and innovations! If no be becos of our instability, the kind
position wey Japan dey today na we for dey there in terms of invention
of technology. Anything Naija must do we must do am with style. When the Federal Road Safety Corp announce say anybody wey drive without seat belt will be fined. |
 |
|
| Na
all manners of seat belt we dey see for Lagos from "Tokunbo"
seat belt to "Ibo made" seat belt depending on how much
you get for pocket. Even some people go to the extent of using
rope wey dem Fulanis dey take tie cows all in the name of using
seat belt to avoid arrest and fine. When the law come out say okada riders must always wear helmet when dem dey ride na different kind of helmet we see for town from Taiwan made to the Indian made even some people convert there wife's cooking pot to helmet. |
||
|
The new law now be say nobody must use mobile phones while driving. To many of una wey dey abroad this no be news as that na the case for overseas. "No mobile phones while driving" (Health and Safety) abi I lie? So when this law land for Naija, many okada riders and wakabouts were happy becos many of dem don end for Igbobi after they were knocked down by drivers wey dey talk on phone while driving. |
||
|
As
una know say most of the mobile phones wey dem dey use for Naija
na from brothers, sisters, uncles,
aunties, cousins, nephews, nieces, friends and
so on, wey dey live for abroad. Na so yawa gas when the law
come out becos maybe "brother Emeka,
sister Ruka, or aunty Halimat just send the phone
alone without the accessories.
At least na hands-free FRSC (Federal Road Safety Corp)
say dem want. Dem no say your hands free kit must be the same
brand with your phone. |
||
No reproduction permitted in any form.