MARY ONYALI AGAIN???

According to our survey and research, the active years of any sport person is ten years and even by the time dem reach 35 their career don finish. See Mike Tyson, Mike Jordan, Raul, Kluivert and so on, their don finish at 30s. This one no be so for the African sportsmen and women. If dem no reach age 30, their career never start. A typical example be Roger Miller of Cameroon wey retire at the age of 50 something. Just recently, Baba Finidi retire and as we dey look am e for don reach late 40 something.

The one wey surprise us for Gisters na the inclusion of our one and only Granny for athletics, Madam Mary Onyali-Omagbemi to represent Nigeria at the on-going Olympics 2004 in Athens. From the history, Madam Mary don dey run for Naija when most of us still dey wear nappies in the 80s.

Dem even say she be 36 years old, haba! This one no surprise us, it's an African thing, it is called 'official age', just like Kanu who is the oldest 28 years old player in the premiership.

Sister Mary, you good o, how you dey do am, after how many kids? you still dey kampe, if na agbo (local herbs) you dey use, make you please prescribe am to all our orobos, sisi mamas and African mamas wey dey town..

Carry go Mama, but if those Americans wan overtake you, please let dem go, don't stress yourself too much, as you know dem for don enhance their body with designer drugs.

Finally we dey use this opportunity to wish Finidi George best of luck after retiring from football at an over riped age of… at least he knows when to quit, the soul might be willing but we sure say na the bones no gree bro Finidi again. Adieu!

pics courtesy of MaryOnyali.com