PAY AS YOU ‘GROAN’ [GO]

My people, na now our people for naija begin to know the meaning and reasons of using a mobile phone

I think una know say, na ‘GEEZIM’ [GSM] crazy period we dey for naija now. Trust naijas anything they lay their hands on, they must surely abuse am but this time around, one get as e be.

Una know say the two functioning GSM companies now in naija i.e Econet and MTN get different names for their services while Econet own be ‘Buddie’ MTN own na ‘Pay as you go’.

The least card, na 1500 naira for a period of 15 days, but trust my people whenever they reload the card, dem go call all the ‘you knows’ even sometime to announce that they don get GSM and before you know it, the card go don finish.

Who go blame the MTN people abi na dem say make people dey call their friends to know which kind pure water dem drink today after lunch.

Nowadays when u see people dey use GEEZIM for road especially those babes, na empty card dem dey carry O, dem go dey wait for their sugar daddy to call them.

Also Oga MTN and Econet, abeg the price N50/min wey u dey charge is killing, make una look into the matter