At Last World Cup For Us !

When the legendary Pele talk am some years back say the first African country wey go win the World Cup na Nigeria many people think say the man dey craze. But as it was in the days of Jesus Christ, the prediction don come true now. Una go dey wonder say we don come again abi? But as Pele talk am, Nigeria don finally win the first World Cup for Africa at last even without all the so called "stars".

As una know say we get plenty talent for Nigeria, as the Eagles dey fumble and wobble in Japan during the last World Cup another set of Eagles dey do Nigeria "proud" for another Asian country.

In fact this set of Eagles wey Gisters don dey tip to take over from the present "young old stars" beat every team including France wey be the defending champion then.

Na these come bring us to the case of our "yeye" Super Eagles, upon all the freedom and dollars wey dem get, dem no even fit go pass ordinary first round of the World Cup, instead to play better football na to argue about money dem know.
As these boys don do us proud now, we go beg the Nigerian government make dem go Thailand go beg for the release of these boys so we go put them for Kirikiri prison.

We go come get a coach for them (no be oyinbo coach o), so anytime we get match we go just carry them with "Black Maria" and military escort go stadium go play so that dem no go do another "Escape to Victory". Shikena!!!